TEAM HEIMATGFÜHL
Ich bin d'Sabrina und glernti Pflegfachfrau HF. Ich liebs kreativ zsi und mis Dehei zunere Wohlfühloase z'dekoriere.
I minere Freiziit tueni gern wandere und verbinde das öpe mal mitere Locationbesichtigung. D'Faszination für Hochziite hani scho als chlises Maitli gha und mir so mit de Usbildig zur dipl. Hochzitsplanerin a de AWEE en Traum erfüllt. Dési hani det dörfe kännelerne und mir händ eifach gmärkt, dass mir beidi sehr naturverbunde sind. D'Liebi zu de Berge, Wälder und au Gwässer hät eus dänn zämme bracht und so isch sTeam Heimatgfühl entstande. |
I bi Dési und noch de Usbildig als Pharma-Assistentin direkt it Kosmetikbranche grutscht. Jetzt bini usglernti Kosmetikerin EFZ und schaffe inre grosse Drogerie im Toggenburg. Mitre Floristin i de Familie & anre Visagisteusbildig im Gepäck hani immer meh die herrliche Emotione vonre Hochziit live dörfe miterlebe. Mit de Usbildig a de AWEE zur dipl. Hochzitsplanerin hets mir den na komplett de Ärmel iegno.
|
UNSERE PHILOSOPHIE
Was bütet den eusi Schwiz scho nöd? Klar, es Meer hend mir nöd. Aber d'Bergsee sind so klar, dass mer sich direkt drin spiegle chan. En Grand Canyon gits au nöd aber d'Schwizer Berglandschaft isch so vielsitig und mystisch und direkt vor üsre Huustüür. Die märlihafte Wälder, saftig grüene Wiese mit traumhafte Blueme und die frischi Luft, das loht üses Herz eifach höcher schlah.
Und genau das (Heimat) Gfühl möchtet mir mit eu teile!
Mir sind d’Sabrina und d’Désirée und bildet s'Team Heimatgfühl. Noch de Usbildig zur Hochzitsplanerinne und de gmeinsame Lideschaft zur Schwizer Natur möchtet mir eui Hochziit oder Event gern begleite und unvergesslich mache. Schwizer Dienstleister & Liebi zur Natur isch üsi Philosophie. Egal ob en tüüfblaue Bergsee, ufme Hügel obe i de Abigsunne oder zwüschet höche Bäum im Wald – mir freuet üs eues Fest dörfe zplane, z’koordiniere und umzsetze und eso es Stuck «Heimatgfühl» zvemittle.
Und genau das (Heimat) Gfühl möchtet mir mit eu teile!
Mir sind d’Sabrina und d’Désirée und bildet s'Team Heimatgfühl. Noch de Usbildig zur Hochzitsplanerinne und de gmeinsame Lideschaft zur Schwizer Natur möchtet mir eui Hochziit oder Event gern begleite und unvergesslich mache. Schwizer Dienstleister & Liebi zur Natur isch üsi Philosophie. Egal ob en tüüfblaue Bergsee, ufme Hügel obe i de Abigsunne oder zwüschet höche Bäum im Wald – mir freuet üs eues Fest dörfe zplane, z’koordiniere und umzsetze und eso es Stuck «Heimatgfühl» zvemittle.